Takimi i zhvilluar javën e shkuar mes kreut të Partisë Demokratike, Lulzim Basha dhe Presidentit Meta deri më sot ka qenë enigmë, mirëpo disa detaje janë bërë publike.
I ftuar mbrëmjen e sotme në emisionin “Të paekspozuarit”, Basha ka folur për herë të parë për këtë takim, i cili ka zgjatur vetëm 30 minuta dhe ka thënë se situata politike në vend ka qenë fokusi i bisedës.
Mirëpo Basha ka folur në mënyrë të përgjithshme pa dhënë asnjë detaj më tepër, thjesht pa përforcuar atë që tashmë mendohej se ishte diskutuar në takim.
“Ka qenë një takim ditën e martë të javës së kaluar në mos gabohem. Ka zgjatur rreth 35 minuta ku kam parashtruar pikëpamjet e mia ku ndodhet vendi dhe kam shkëmbyer mendime mbi situatën. Ka qenë një takim normal ku kemi biseduar pas një kohe të gjatë me Presidentin. Unë si kryetar i opozitës dhe ai si president. Nuk e kemi pasur rastin që të shkëmbejmë mendime në këto kohë” – tha kryedemokrati Basha.
