Tonet e forta të përdorura ditën e sotme në parlament, e kanë “detyruar” kreun e PD, Lulzim Basha që të kërkojë falje publike.
Në konformntimin që pati me Taulant Ballën, Basha ka përdorur fjalor të rëndë duke thënë shprehje të tilla si “ Të prekësh m*tin bëhesh pis”, e shprehje të tilla. Basha iu ka kërkuar ndjesë qytetarëve dhe ka shtuar se gjithë ai reagim erdhi pasi atij iu përmend e bija.
Kreu i PD ka thënë se mbi vetëpërmbajtjen si politikan, në këtë rast triumfoi institikti i Prindit.
“Të nderuar bashkëqytetarë, ju kërkoj ndjesë për fjalorin e papërshtatshem sot në Kuvend. Mbi vetëpërmbajtjen si politikan triumfoi instikti i prindit. Të shpifësh duke përmendur fëmijë të mitur, për të mbrojtur veten nga lidhjet me krimin është niveli më i ulët i politikbërjes”, shkruan Basha në Twitter.
Deklarata në Kuvend e Bashës për të cilën kërkoi ndjesë
Instikti i parë është instikti i prindit dhe për atë që bëre këtu instikti i parë ishte të të fusja një grusht, por u ndala nga dy gjëra. E para e punës, që të prekësh mutin, bëhesh vetë pis. E dyta, nuk do të arrija dot t’u përcillja qytetarëve arsyet pse ju nuk votoni vetingun e politikanëve.
