Kreu i Partisë Demokratike është i ftuar në emisionin “Opinion” ku ka deklaruar se nëse ai zgjidhet kryeministër, rruga e Shqipërisë drejt BE-së do të jetë e sigurt.
“Unë do bëj konferencën e parë ndërqeveritare. Brenda vitit të parë të qeverisë tonë do të nisim negociatat. Ate që nuk është bërë për 8 vite nga Edi Rama nuk do bëhet për 4 vite nga ai. Shpejtësia e negociatave, që sot ne po mbledhim ekipin më të mirë nga Berlini në Paris, për të cilët mora miratimin e drejpërdrejt të kryeministrit kur isha në Zagreb. Me mua Shqipëria e ka të sigurtë rrugën drejt BE”, ka thënë Basha
Më tej ai është ndalur edhe te spoti që Partia Demokratike po përdor për fushatën elektorale. Pas transmetimit të spotit, drejtuesi i emisionit, Bledi Fevziu i ka thënë se e gjitha ishte shumë e personalizuar dhe se të njëjtën gjë thoshte edhe Berisha për heqjen e vizave e antarësimin në NATO.
Por Basha ka thënë se ky spot nuk është bërë për Fevziun e gazetarët, por për të rikthyer besimin e shqiptarëve te njëri-tjetri.
Ky spot nuk është bërë për ty Blend, as për gazetarët që ke këtu
“Ky spot është bërë për të kuptuar diferencën se ku ishim dhe ku jemi sot. Beteja brenda vetes, një nga gjërat më të rënda që ka pllakosur Shqipërinë është humbja e besimit te vetvetja, te njëri-tjetri.
Shqiptarët kane nevojë të fitojnë betejën që kanë brenda vetes së tyre. Jam unë që kërkoj përgjegjësinë për të çuar vendin drejt BE. Besmi te politika ka rënë në mënyrë rekord. Ka shume arsye pse njerezit ndihen kështu, dhe njerëz të familjes time ndihen keshtu”, ka thënë Basha.
I pyetur se pse spoti është ka qi personalizuar, kryedemokrati tha se është për t’i kujtuar shqiptarëve forcën që kemi si komb.
“Një nga arsyet kryesore është për t’i kujtuar shqiptarëve forcën që ne kemi si komb. Nuk është bërë që një gazetar ta marrë dhe të thotë e keni bërë ju Basha. Unë kam rolin tim…Ju keni qenë aty dhe e dini fare mirë, pasi u bëra ministër i Jashtëm më pyetët, “si duken punët”. Në atë moment shanset ishin 100% për Kroacinë, 60% për Maqedoninë dhe shumë të vogla për Shqipërinë”, deklaroi Basha.
