Pritej që presdienti i Barcelonës Josep Maria Bartomeu të jepte dorëheqjen ditën e djeshme pas akuzave që ishin ngritur ndaj tij se po prishte ekuilibrat e klubit.
Por duket se Bartonmeu ia arriti të qëndronte me këtë klub dhe ka filluar të përmirësojë dhe marrëdhëniet me yllin e katalanasve, Leo Messin i cili nuk i kurse fare kritikat ndaj tij pas largimit të Suarez.
Vendosa të mos hyj në një diskutim sepse Messi është një përparësi në projektin e ri. Unë nuk e bëra atë sepse ai është kapiteni ynë. Jam akuzuar se kam dashur ta largojë, por nuk e kam bërë. Ne nuk kemi ndërmend të përforcojmë askënd me largimin e tij”, tha ai.
Messi donte të largohej nga klubi në bazë të klauzolës që skadoi më 10 qershor, por Barcelona nuk e lejoi atë, e cila u pasua nga një lloj “lufte” nga të dy palët.
“Është e rëndësishme që ne të kuptojmë Messin. Është mirë që ai është i zemëruar sepse nuk pranon humbje, që do të thotë se ai ende ka ambicie dhe dëshirë. Ne të gjithë ishim të zemëruar sepse donim rezultate të ndryshme, por kishte një klauzolë deri më 10 qershor, gjatë së cilës kohë ai duhej të deklaronte në mënyrë të njëanshme dëshironte të largohej nga klubi. Ai nuk e bëri atë dhe kjo është arsyeja pse ai është këtu. Shpresoj që ai të qëndrojë për shumë vite të tjera dhe të përfundojë karrierën e tij në Barcelonë, ky është opsioni më i mirë për të gjithë”, shtoi Bartomeu.
