Këtë të martë është zhvilluar mbledhja e përbashkët e grupit parlamentar opozitar që ka synim bashkimin e opozitës në luftën kundër kryeministrit Rama. Kjo mbledhje u thirr nga deputeti i Partisë Demokratike Gazment Bardhi, i cili hapi dhe mbledhjen me fjalën e tij. Bardhi theksoi se secili prej deputetëve duhet të gjejë formën ta bëjë funksionale opozitën parlamentare.
‘Sot duhet të flasim për çështje që na bëjnë bashkë pa lënë mënjanë edhe diskutimet e tjera në dobi dhe interes të qytetarëve dhe opozitës në vend por duke e nisur me çështjet që na bëjnë bashkë për të krijuar një agjendë të përbashkët parlamentare dhe kam bindjen e thellë që ne të gjejmë zgjidhje edhe për probleme që sot mund të duken në qëndrime krejt të kundërta me njëri tjetrin’, u shpreh Bardhi.
