Bllokimi i rrugës prej 2 javësh është bërë arsyeja që disa banorë të Laprakës të dalin në proteste ditën e sotme. Ata protestojnë pasi bllokimi i rrugës i pengon të kryejnë aktivitetet e biznesit normalisht dhe pengon për të shkuar në shkollë a në spital
Rruga është bllokuar nga disa blloqe betoni, ndërsa për emdiat ata thonë se punimet janë më shumë se 1 kilometër.
Një nga qytetarët ka thënë se blloqet e betonit me mbishkrimin “Rama ik” do të hiqen forcërisht pasi nuk janë paralajmëruar që do të ketë punime dhe bizneset e tyre nuk po punojnë.
“Rruga është bllokuar padrejtësisht. Na kanë bllokuar bizneset, gjithçka. Fare nuk na kanë paralajmëruar, duhet tabelë që të tregojë se ka punime. Bizneset tona nuk punojnë fare”, ka thënë ai.
Një tjetër qytetar deklaroi se nuk shkojnë dot as në spital e në shkollë dhe nuk dihet se çfarë do të ndodhë më lagjen. Ai deklaroi se do zhvendosin blloqet e betonit, ndërsa shpreson që policia të mos ndërhyjë.
“Nuk na lënë të shkojmë as në spital, as në shkollë. Ka dy javë e bllokuar. S’ka tabelë, pse është bllokuar rruga. S’dihet çdo bëhet me gjithë lagjen. Kanë bllokuar rrugën. Kemi dy javë që presim. Në 2 javë kanë patur mundësinë. Në mënyrë shoqërore me miq që punojnë në institucione, nuk duan t’ia dinë fare. Do zhvendosim betonat, zoti na ruajt nga policët. Kam dy fëmijë në shtëpi, më duhen 40 minuta në mëngjes. Bashkë me atë zotërinë që është në zyrë atje”, ka thënë qytetari.
Ndërkohë, lidhur me bllokimin e rrugës ka reaguar dhe Autoriteti Rrugor Shqiptar, duke thënë se modifikimi i lëvizjes është bërë për të menaxhuar trafikun tek ish-sheshi Shqiponja.
Njoftimi i plotë:
Si pasojë e planit të menaxhimit të trafikut te ish sheshi Shqiponja faza 4.5 ka lindur nevoja për të bërë këtë modifik të lëvizjes së automjeteve për të mos patur një bllokim dhe kaos në kryqëzimin e rrugës “Vangjel Noti “ me rrugën “Gjergj Legisi” .
Për këtë arsye:
Kryqëzimi i Rrugës Vangjel Noti me rrugën Buna, ardhja nga Petrit Radovicka që vijon me rrugën Vangjel Noti, do devijojet majtas tek shinat e trenit në drejtim të rrugës Buna për të dalë tek Jordan Misja, ura e Paskuqanit dhe Bulevardi Zogu i I.
