Ashtu si çdo ditë tashmë prej katër muajsh me radhë edhe ditën e sotme, banorët e Astirit kanë dalë në protestë për të kundërshtuar projektin e “Unazën e madhe”.
Ditën e sotme sipas thënieve të banorëve, pjesëmarrja ka qenë shumë e mirë, pavarësisht se policia është duke iu bërë presion, por ata nuk kanë ndërmend të ulin kokën.
“Na thirrin në polici na bëjnë presion. Por çfarë duhet të bëjnë qytetarët kur shohin shtetin të lidhur me mafiozët? Çfarë duhet të bëjmë ne të ulim kokën? Jeni të paftuar ndaj nuk ju do njeri në Unazën e re. Del ministri Xhafaj dhe thotë se në Shqipëri janë rreth 40 familje mafioze. Sa janë arrestuar? Ku janë këta familje mafioze? Janë në kupolën më të lartë qeverisëse.
Çfarë duhet të bëjnë banorët e Unazës së Re? Vetëm protesta. Po ruhumi, do sakrifikojmë në ditën që është e nevojshme për t’u sakrifiku.”-u shpreh njëri nga banorët.
Ashtu si edhe në çdo protestë, i pranishëm ka qenë ish-deputeti, Klevis Balliu, i cili është shprehur se shumë shpejt do jenë vet qytetarët ata që do ta marrin fatin e tyre në dorë.
“Për cilido person që ka sy e veshë duhet të kuptojë se çfarë ndodh në Shqipëri. Kush ka sy e veshë le të dëgjojë. Vetë unë kam qenë në mbrojtje të policisë dhe i kam kërkuar të ndalen se nuk e kanë fajet policët. Ndaj hapni sytë dhe veshët se qytetarët do ta marrin në dorë fatin e vendit. Mos e merrni për dobësi qytetarinë e qytetarëve shqiptarë.
Bëhuni gati se gazit do t’i përgjigjemi me gaz. Harrojeni se populli shqiptar do të ulë kokën. Ka ardhur koha që këta të ulin kokën përballë qytetarëve shqiptarë.”-tha Balliu.
