Kur isha unë në Kinë, në prag të shpërthimit të pandemisë, askush nuk dinte gjë pvr virusin, tregon ish-presidenti Bamir Topi.
Topi tha se gjatë muajit janar vizitoi Pekinin ku pa aktivitete të shumta, grumbullime masive njerëzish dhe një qetësi absolute që nuk të linte asgjë për të dyshuar se vetëm pak ditë më pas, një virus do shpërthente në Wuhan, për të infektuar të gjithë botën e duke marrë qindra-mijëra jetë njerëzish.
“Unë kam qenë në janarin e këtij viti në Kinë, dhe jam kthyer në mos gaboj, në 15 janar. Kam qenë në Pekin, nuk flitej fare, kishte aktivitete me shumë njerëz, turistë të shumtë. Një javë përpara se të dilte ky problem, ishte një qetësi absolute. Lajmi zyrtar për shpërthimin e virusit, ka qenë në fund të janarit. Prandaj dhe del pyetja, si ka mundësi? Në Wuhan për shembull, në atë kohë nuk flitej fare. Kjo tregon që ose s’kanë patur dijeni, ose e dinin dhe mundoheshin ta fshihnin”, tha Topi në emisionin “Pesë pyetje nga Babaramo”.
