Pas dorëheqjes së Bamir Topit nga drejtimi i FRD, Sali Shehu do të jetë kreu i ri i partisë deri në zgjedhje.
Sot, më datë 5 mars 2021 u mbajt mbledhja e Asamblesë Kombëtare të FRD-së, për miratimin e marrëveshjes politike të koalicionit me PD si dhe zgjedhjen e kryetarit të ri.
Kujtojmë se pas vendimit të ish-presidentit Bamir Topi për t’u larguar nga posti i Frymës së Re, 18 anëtarë të degës së FRD në Tiranë kanë dhënë dorëheqjen.
Menjëherë pas marrëveshjes që Sali Shehu firmosi me Lulzim Bashën për të bashkëpunuar për zgjedhjet e 25 prillit pa marrë më parë miratimin e strukturave të partisë, dorëheqja e Bamir Topit është pasuar me shkrirjen e strukturave të cilët kanë kundërshtuar këtë koalicion të ri.
Goditja më e madhe për Sali Shehun ka ardhur nga dega e FRD-së së Tiranës, e cila ka qenë dhe struktura kryesore e kësaj force. Duke filluar nga Kryetari i kësaj dege, Andi Seferi e gjer tek anëtarësia e thjeshtë, kanë firmosur dorëheqjet e parevokueshme duke u larguar përfundimisht nga FRD.
Më herët, kalimi i Bamir topit në koalicion me Partinë Demokratrike ishte një lëvizje surprizë, pasi “armiku i betuar” i ish-kryeministrit Sali Berisha në zgjedhjet e fundit ishte në koa,licion me Partinë Socialiste.
