Ukraina po përballet me sulmet e ashpra të Rusisë, por pasojat po i ndjen Shqipëria e cila ka rritur çmimin e naftës dhe të gjitha produkteve të konsumit. Para pak ditësh Edi Rama dhe ministrja e tij Belinda Balluku thanë se shqiptarët duhet të kursejnë në këtë kohë krize, ndërsa ministrja e energjisë mësoi shqiptarët të ecin në këmbë dhe të ndezin dritat një orë me vonesë dhe të mos keqpërdorin kondicionerin.
Ministrja e energjisë në Shqipëri, Belinda Balluku:
Do ketë edhe paketë masash për kursim të qytetarëve si të përdoret kondicioneri, si të ndizen dritat një orë më vonë, se si industria nuk duhet të përdor sasitë që nuk janë të nevojshme. Kanë të bëjnë me sasinë energjetike të tregut.
Sipas qeverisë Rama faji kryesor për këtë rritje rekord të çmimeve është lufta Rusi-Ukrainë. Tek ne na mësojnë se si të kursejmë në kohë lufte ndonëse nuk po luftojë me askënd, po në Ukrainë e cila po përjeton tmerr nga predhat e tanket ruse, çfarë thotë ministri i energjisë?!
Ndonëse është nën rrezikun e madh të Vladimir Putin, tarifat e energjisë elektrike në Ukrainë nuk do të rriten gjatë gjendjes së luftës. Këtë e ka bërë të ditur për median ukrainase, liga.net, ministri i Energjisë, German Galushchenko.
Ministri i energjisë në Ukrainë, German Galushchenko:
Sigurisht, askush nuk do të rrisë tarifat. Unë mendoj se ne tani do të zhvillojmë një algoritëm të caktuar që do t’i ndihmonte të gjitha brezat të kalojnë me qetësi këtë periudhë,
