Kryeministri i vendit Edi Rama ka dal ditën e sotme në një konferencë për mediat, ku ka folur për çështje të ndryshme, një nga ato është edhe nisma “Ballkani i Hapur”. Rama është shprehur se në lidhje me këtë çështje nuk e shqetësojnë aspak polemikat dhe akuzat.
Ai ka thënë se ka shumë zjarr e tym për këtë çështje si nga Tirana ashtu edhe nga Shkupi, por qeveria e re sipas tij do të vazhdojë përpara edhe në këtë drejtim pa humbur asnjë ditë të vetme..
“Polemikat për Ballkanin e Hapur dhe akuzat e hatashme ndaj kësaj qeverie dhe meje personalisht, qoftë nga Prishtina apo Tirana nuk më shqetësojnë dhe nuk duhet të na shqetësojnë si forcë qeverisës në mandatin e tret. Ka shumë tym e zjarr për qëllime të politikës së ditës, por qeveria e re do të vazhdojë përpara edhe në këtë drejtim pa humbur asnjë ditë të vetme.
Kam besim qe me qeverinë e Kosovës do të bëjmë plot punë të mirë në interes të përbashkët, pavarësisht mosdakordësisë me kolegët në Kosovë për “Ballkanin e Hapur””, u shpreh Rama.
Ndër të tjera ai ka folur edhe për procesin e integrimit dhe çeljen e negociatave dhe sipas Ramës Shqipëria i ka përmbushur të gjitha këto kushte.
“Jemi të gjithë krenarë me atë që është bërë në fushën e mbrojtjes dhe punët e jashtme. Reputacioni ndërkombëtar, respekti i aleatëve tanë, përfshirja si asnjëherë më parë i diasporës në raport me qeverinë, vetë imazhi i vendit tonë, nuk kanë asnjë krahasim fare me vitin 2013. Janë shumë më lart sot se në vitin 2017. Kjo qeveri e mbyll mandatin me realizimin e të gjitha kushteve dhe stërkushteve për integrimin dhe me hapjen e një kapitulli të ri, si nismëtare e “Ballkanit të Hapur”, tha nder te tjera Rama.
