Klevis Balliu, Sekretari i Organizmit i Rithemelimit,nga protesta para Bashkisë së Tiranës shprehu vendosmërinë e opozitës për përballjen me kryebashkiakun Erion Veliaj. Ai tha: “Hajde sot lali 5D dhe takoji pak qytetarët e Tiranës të cilët kanë një vendim për ty, një vendim i cili nuk ka prokuror që mund ta zhbëjë. Ti je i shkarkuar me vendim të qytetarëve, je i shkarkuar.”
Balliu shtoi më tej se Veliaj dhe kolegët e tij duhet të përballet me realitetin që qytetarët e kanë shkarkuar. Ai gjithashtu shprehu keqardhjen e tij për efektivët e policisë që rrethojnë bashkinë, duke pyetur nëse Bashkia e Tiranës është vetëm e Veliajt dhe e grupit të tij: “Shikoni pak, ndjej keqardhje kur shoh efektivët e policisë që blindojnë bashkinë, po pse, bashkia e Tiranës është bashkia e Veliajt? Është bashkia e 5D? Kë po mbroni? Krye-hajdutin e Tiranës? Pronarin faktik të inceneratorit? Kryetarin e organizatës kriminale 5D? Bashkëpunëtorin e Ndraghetës?”
