Koordinatori politik i Partisë Demokratike për Tiranën, Klevis Balliu, në fjalën e tij në protestën e opozitës përpara Bahskisë së kryeqytetit tha se Tirana sot është qyteti më i ndotur në Europë.
Balliu tha se qytetarët vazhdojnë të paguajnë taksa, por sërish kazanet e plehrave mbeten plot.
Ai e akuzoi kryeministrin Rama se PD do të ketë rezultatet e vitit 1997 në zgjedhje, dhe se Rama mund të përballet me një rezultat të ngjashëm me atë të PS-së në vitin 1992.
Klevis Balliu: Bashkia Tiranë ka 500 milionë euro në vit buxhet, janë taksat që paguajnë qytetarët. Qytetarët paguajnë taksa dhe kazanët e plehrave nuk pastrohen. Në Tiranë kanceri gjen aleat. Aleati i kancerit është Erion Veliaj, sepse ndotja e kryeqytetit është realitet kudo, edhe në spitale. Te Lana mban era Veliaj. Tirana sot është qyteti më i ndotur në Europë. Drejtësia, kur vjen puna tek Veliaj, nuk shikon. Kjo, pasi shikojnë se nuk ka incinerator.
Vjedhja e tenderave që bëhet në bashki, nuk bëhet pa kryetarin e Bashkisë. Në Shqipëri nuk ka shëndetësi, shëndetësia është degdisur në gjendje tepër të rëndë. Na thanë se Sali Berishën nuk mund ta kemi kryetar, por sot e kemi kryetar. Për Ramën, që thotë se do kemi rezultatin e 1997, i themi se do marrë rezultatin e 1992, që morën etërit e vet.
