Deputeti i Partisë Socialiste, njëkohësisht dhe kryetar i Grupit Parlamentar socialist, Taulant Balla ndodhet në Bukuresht për një vizitë zyrtare. Gjatë vizitës së tij atje Balla ka zhvilluar një takim me Angel Tîlvâr, Senator, Kryetar i Komisionit për Europën në Senatin Rumun, si dhe përgjegjës për Marrëdhëniet me Jashtë në Partinë Social Demokrate. Në lidhje me takimin deputeti i PS-së është shprehur se Rumania është pro hapjes së negociatave për integrimin në Bashkimin Europian për Shqipërinë, Maqedoninë e Veriut dhe vendet e tjera të Ballkanit Perëndimor. “Rumania është e gatshme të ofrojë mbështetje dhe ekspertizë për ekipet tona gjatë procesit të negociatave me Bashkimin Europian”, është shprehur Balla. Më herët Balla ka zhvilluar takime me Kryetarin e Grupit të PSD në Senatin e Rumanisë Stefan Radu Oprea, Kryetarin e Komisionit të Politikës së Jashtme Titus Corlatean. Kujtojmë se disa ditë më parë u zhvillua samiti për Integrimin e Ballkanit Peëndimor në Be, nga e cila Shqiprëria mori një përgjigje negative, e penalizuar nga vetoja e Bullgarisë ndaj Maqedonisë së Veriut. Kjo veto u hoq pak ditë më vonë nga parlamenti bullgar dhe është një dritë shprese për vendin tonë, pasi fati i procesit të integrimit të Shqipërisë në BE është i lidhur me Maqedoninë e Veriut. Përveç rumanisë edhe vende të tjera janë pro hapjes së negociatave për ne, gjithashtu edhe zyrtarë të lartë të BE mbajnë qëndrim pozitiv.
Rrjolli përshkallëzohet në fundjavë: Rojet në kanal, mjetet e Bashkim Ulajt dhe ‘Breçani Security’ të shkatërruara, opozita në heshtje
Protesta në Baks Rrjoll u përshkallëzua fort këtë fundjavë. Banorët thyen mjetet e “Brecani shpk”, e kontraktuar për ruajtjen e...
