Në kuadër të fushtës elektorale, drejtuesi politik i |partisë Socialiste për qarkun e Elbasanit, Taulant Balla, ka zhvilluar një takim në këtë qytet.
Në një mbledhje me gratë dhe të rejat e Elbasanit, Balla tha se asnjë parti tjetër nuk i ka mbështetur gratë si PS. Më tej deputeti socialist u ndal dhe tek punësimi. Sipas Ballës, në Elbasan gjatë pandemisë asnjë grua nuk ka humbur vendin e punës.
Për të ecur në këtë ritëm, numri dy i PS u shpreh se është i nevojshëm mandati i tretë. Kreu i Grupit Parlamentar të PS, ironizoi edhe Partinë Demokratike për të cilën tha se është turp kur shprehen se do të sjellin ndryshimin.
“Në një kohë si kjo që po kalon Shqipëria nuk mund t’ia lemë timonin një njeriu që haber nuk ka si puna e Lulit, por do t’ia lemë timonin Edi Ramës që të vazhdojë të çojë para këtë proces transformimi dhe unë jam shumë i vendosur për t’i kthyer Elbasanit, diçka që Elbasani nuk e ka pasur në 70 vjet. Aleati më i madh i yni në këtë transformim janë gratë dhe vajzat”, tha Balla në fund të fjalës së tij.
Pjesë nga reagimi:
“Jo vetëm në përfaqësimin tonë në qeveri, por më shumë së kaq ishte angazhimi i PS që gratë të ishin minimalisht 30% e listës me detyrim dhe lista nuk pranohet nëse lista nuk ka 30%. Këtë vit ishte e pamundur. Ose duhet t’i kesh gratë në krye të listës ose nuk pranohet lista. Kjo do të jetë një fitore shumë e madhe për të na garantuar që 1/3 e parlamentit minimalisht të jetë me gra që domosdoshmërisht duhet të kontribuojnë për një çtensionim të jetës në vend.
Na duhet një mandat tjetër për t’i dhënë Elbasanit edhe disa fabrika të tjera punësimi, atë të prodhimit të pjesëve të këmbimit të makinave, atë të pajisjeve të tjera që do të na rrisin mundësitë dhe kapacitetet për të punësuar jo vetëm gratë, por edhe burrat.
Në një kohë si kjo që po kalon Shqipëria nuk mund t’ia lemë timonin një njeriu që haber nuk ka si puna e Lulit, por do t’ia lemë timonin Edi Ramës që të vazhdojë të çojë para këtë proces transformimi dhe unë jam shumë i vendosur për t’i kthyer Elbasanit, diçka që Elbasani nuk e ka pasur në 70 vjet. Aleati më i madh i yni në këtë transformim janë gratë dhe vajzat”, tha Balla në fund të fjalës së tij.
