Këtë të diel shqiptarët u janë drejtuar kutive të votimit për të zgjedhur drejtuesin e tyre për pushtenin vendor. Por vlen të theksohet se pjesëmarrja e deritanishme është relativisht e ulët dhe janë hasur shumë problematika në lidhje me identifikimin elektronik. Gjithashtu ka pasur problematika në disa bashki mes komisionerëve dhe personave të tjerë, ku është dashur disa herë edhe ndërhyrja e policisë. Deputeti i opozitës Luan Baci në një dalje për mediat ka folur në lidhje me incidentin që u regjistrua më herët ne Roskovec, ku kandidati i koalicionit “Bashkë Fitojmë” Erdit Harizaj u akuzua se ka dhunuar dy qytetarë.
Baçi tha se Harizaj nuk ka qenë pjesë e asnjë konflikti dhe se gjithcka duhet të zbardhjet nga policia.
“Një lajm i gënjeshtërt, i rremë që ka ardhur nga Top Channel. Frika e Rilindjes dhe Bufit të Roskovecit, sikur kandidati Erdir Harizaj paska goditur 2 qytetate është absolutisht i pavertete, i rremë. Kam qenë disa orë në shoqërinë e tij dhe në momentin qe ka ndodhur konflikit kemi qenë të dy bashkë. Kandidati Erdit Harizaj nuk ka qenë pjesë e asnjë konflikti, se si ka ndodhur dhe kush i ka dhunuar është detyre e organeve te drejtësisë. Unë skam asnjë dijeni se si ka ndodhur ngjarja. Presim nga policia të na jap informacion. Po derdhet baltë mbi të dhe del nga zyrat e PS Roskovc dhe nga zyrat e Bufit” tha Baçi per mediat.
