Një ngjarje re rëndë ka ndodhur në Greqi, ku 51-vjeçari masakroi me thikën e kuzhinës gruan e tij 41-vjeç.
51-vjeçari ka dhënë dëshminë e tij, ndërsa është shprehur për autoritetet greke se e ka vrarë gruan e tij pasi dyshonte se e mashtronte.
Krimi i ndodhur në familjen shqiptare në Greqi, tronditi jo pak opinionin publik. 41-vjeçarja, nënë e tre fëmijëve dy prej të cilëve të mitur, u masakrua me thikën e kuzhinës nga bashkëshorti 51-vjeç. Për këtë ngjarje tronditëse ka reaguar edhe djali i tyre 20-vjeç.
“Faji është i yni sepse nuk kishim marrë masat e nevojshme. Ky ishte gabimi më i madh i ynë. Unë dhe nëna ime folëm për këtë. Ajo ishte nëna perfekte, mua më vjen keq për vëllezërit e mi dhe duhet të gjejmë sa më parë një zgjidhje”, ka thënë mes të tjera djali.
Kujtojmë se 51-vjeçari u arrestua nga autoritetet greke, ndërsa dëshmoi se aktin e rëndë e ndërmori pasi sipasi tij gruaja e tij e tradhtonte.
Mediat greke bëjnë me dije se ngjarja ka ndodhur në Zakinthos, ku pas ngjarjes autori është larguar nga vendngjarja.
51-vjeçari dyshohet se ka abuzuar sistematikisht me viktimën, për pasojë, disa muaj më parë 41-vjeçari e ka denoncuar në polici. Megjithatë, gruaja fatkeqe kishte menduar se gjërat mes tyre ishin sheshuar, dhe se ai e kishte kaluar tashmë xhelozinë e tepërt që kishte për të.
E gjithë kjo deri dje, kur u kthye makthi gruan. Gjatë një debati që çifti ka pasur, 51-vjeçari ka humbur kontrollin, ka rrahur rëndë 41-vjeçaren dhe ajo e ka denoncuar sërish. Pak orë më vonë ajo u gjet e pajetë nga thika që mbante 51-vjeçari, me të cilën ai arriti ta godiste dy herë në qafë dhe në gjoks.
