Mbrëmjen e 28 shtatorit 35-vjeçarja shqiptare Klodiana Vefa u ekzekutua nga bashkëshorti i saj Alfred Vefa.
Në fakt, çifti ishin të ndarë, por jo ligjërisht, pasi 44-vjeçari e kundërshtonte ndarjen.
Ndërkohë që detaje të reja janë zbardhur nga ngjarja tronditëse, ku babai i Klodianës ka bërë një deklaratë të fortë.
Teksa ishte i ftuar në një emision në “News 24”, i ati i 35-vjeçares mohoi versionin që e bija e tij ishte në një lidhje me dikë tjetër, pavarësisht se mikesha e ngushtë e Klodianës e ka pohuar këtë fakt.
Gjithashtu babai i 35-vjeçares shton se do e mbështeste krimin e Alfred Vefës, nëse bija e tij, Klodiana do e kishte tradhëtuar.
Por sipas tij kjo gjë nuk ka ndodhur, madje thekson se përgjëgjës për marrëdhënien e tyre në krizë ka qenë vëllai i Alfredit. Sipas tij ai mundohej të ulte imazhin e Klodianës.
“Unë kam qëndruar 25 ditë në Itali dhe nuk kam kuptuar asgjë. Nuk e dija që kishin probleme. As armën nuk e dija që e kishte.
Do ia bëja hallall vrasjen Alfredit nëse do ishte e vërtetë tradhtia. Por një pjesë të madhe të fajit e ka kunati i saj. Ai ka folur keq për të, pak kohë para vrasjes ishte takuar me Alfredin. Ne do ta zbardhim të vërtetën”, tha babai i 37-vjeçares.
