Një seancë tjetër gjyqësore e rëndësishme është shtyrë ditën e sotme dhe këtë herë ka qenë ajo kundër Klement Balilit.
Ka qenë pikërisht avokati mbrojtës i Balilit që ka kërkuar shtyrje të seancës, pasi i duhet më shumë kohë për të përgatitur mbrojtjen.
Gjykata e Krimeve të Rënda e ka marrë parasysh këtë kërkesë dhe ka vendosur që seanca të shtuhet për datë 7 maj.
Tashmë Prokuroria e Krimeve të Rënda e ka dhënë pretencën e saj për Balilin dhe ka kërkuar 18 vite burg për të, por me konvertimin për gjykim të shkurtuar, në rast dënimi, Balili përfiton uljen e 1/3-ës së dënimit, që konvertohet në 12 vite burg.
Klement Balili akuzohet për: ‘trafik lëndësh narkotike’, ‘pastrim parash’, ‘grup i strukturuar kriminal’ dhe ‘refuzimi i deklarimit të pasurisë’.
