Avokati i kontrollorëve ka deklaruar se të arrestuarit janë në gjendje të rënduar psikologjike. Ndër të tjera në një deklarata për mediat avokati ka sqaruar se në këtë çështje nuk ka pasur lidhje politika, por u bë e tillë vetëm pasi ndodhi. Avokati ka hedhur dyshimet se te Prokuroria ka një ngërç pasi akuzon vetëm tre kontrollorë si organizator, por jo ekzekutorët e tjerë që nënshkruan gjithashtu deklaratën e paaftësisë për punë si kontrollorë.
Gjithashtu ai ka thënë se prokuroria pretendon se ka tentativë të organizuar, ndërkohë që kontrollorët bënë diçka të ligjshme për paaftësi në punë. Pas seancës gjyqësore, avokati u shpreh se do të kërkohet rrëzimin i akuzave pasi kanë qëllime të ndryshme nga respektimi i ligjit.
Pyetja: Komunikimet në Whatsap?
Avokati: Prokuroria pretendon se ka tentativë të organizuar. Kontrollorët bënë një gjë të ligjshme për paaftësi në punë. Ligji nuk ka pengesë kur i lind kontrollorit paaftësia, të gjithëve bashkë ose individualisht. S’ka pengesë ligjore duke i detyruar mos e deklaronin paaftësinë, është e lejuar.
Pyetja: Kanë ardhur kontrollorët turq dhe grekë, çfarë po ndodh me të tjerët?
Avokati: Kam qenë i fokusuar tek gjyqi. Nuk kam informacione të tjera. I kemi takuar të ndaluarit. Janë rënduar psikologjikisht. Nuk e kuptojnë si merret i pandehur një person që ia njeh ligji të drejtën.
Deklarata e paaftësisë është individuale. Çdo kontrollor e firmos individualisht. Si e ka ndikuar supervizori kontrollorin. Ka ngërç të habitshëm. Prokuroria çon tre organizatorë, po ekzekutorët duhet të ndiqen penalisht? Këta që bënë deklaratën e paaftësisë.
Ndikim politik? Kjo çështje u bë politike vetëm pasi ndodhi. S’ka ndikim politik. Për këdo do e çojmë në gjyq. Flora Ndrecës i është komunikuar zgjidhja e marrëdhënies së punës. Kemi besim të plotë tek sistemi i drejtësisë. Kjo është shpejtësia e drejtësisë, këto kushte kemi, këto do respektojmë.
