Pasagjerët që udhëtojnë nga Tirana International Airport ditën e sotme janë përballur me një problem me një nga avionët e kompanisë Wizz Air.
Që prej orës 13:40 për shkak të një defketi teknik, 180 pasagjerë kanë mbetur në avion dhe janë lënë të presin brenda deri në rregullimin e defektit pa marrë asnjë informacion lidhur me çfarë po ndodhte, duke mos u lejuar as të zbresin nga bordi për aq kohë sa u desh për rregullimin e defektit.
Ndërkohë TIA njofton se për arsye teknike fluturimi drejt Italisë është anuluar dhe se pasagjerët janë në sallën e tranzitit në pritje të një tjetër avioni që po vjen nga Shkupi për marrë pasagjerët për t’i dërguar në Itali.
Njoftimi nga TIA
“Në vëmendje të pasagjerëve të kompanisë Wizz Air që udhëtojnë nga Tirana në Venezia. Njoftojmë pasagjerët dhe familjarët e tyre, se fluturimi i kompanisë Wizz Air me destinacion Venezia parashikohet të kryhet sonte në ora 20.50.
Për arësye teknike, fluturimi i parë është anulluar dhe një avion tjetër i Wizz Air është në nisje nga Shkupi për në aeroportin e Tiranës, për t’i transportuar pasagjerët më tej, në Venezia.
