Ditën e sotme zbulohen detaje nga grabitja e filialit të postës shqiptare në Kamëz. Duke iu referuar burimeve nga grupi hetimore raportoi për se autori i grabitjes ka qenë i maskuar me një kapele dhe një maskë covidi.
Ndërkohë mbante edhe një çantë krahu në të cilën kishte edhe një armë tip pistolete dhe që sipas policisë dyshohet të jetë lodër, për shkak të sjelljes së autorit i cili e ka mbajtur pistoletën në çantë dhe ka kërcënuar sportelisten e postës duke i treguar se është i armatosur.
Autori është futur në postë dhe i ka marrë sportelistes rreth 1 milion lekë të vjetra. Forcat e policisë kanë nisur krehjen e zonës dhe gjithashtu po këqyrin . kamerat e sigurisë, për të bërë të mundur identifikimin dhe kapjen e autorit.
Njoftimi i policisë:
Tiranë/Informacion paraprak
Më datë 18.04.2022, rreth orës 14:20, në Kamzë, një person ende i paidentifikuar, i maskuar me kapuç dhe mbante një send të dyshuar si pistoletë, është futur në filialin e Postës Shqiptare, ka marrë një shumë parash dhe është larguar.
Grupi hetimor ndodhet në vendngjarje dhe po punon për identifikimin dhe kapjen e autorit. Shërbimet e Policisë po krehin zonën, për të bërë të mundur kapjen e tij.
Kujtojmë që para disa muajsh dy të rinjkanë grabitur Postën e Babrrusë në ku kanë arritur të marrin një shumë prej 200 mijë lekë të reja pasi kërcënuan punonjësit e sportelit. Ata kanë hyrë brenda Postës dhe nën kërcënimin e një doreze hekuri, e cila ngjasonte me një pistoletë, kanë marrë nga sporteli paratë dhe janë larguar në drejtim të zonës së Alliasit.
