Mbrëmjen e djeshme ka ndodhur një shpërthim me lëndë eksplozive tritol në zonën e Don Boskos, në banesën e shtetasit Aranit Beqiri.
Sipas pamjeve të kamerave të sigurisë, shpërthimi është shkaktuar nga një person i maskuar me kapuç, i cili e ka hedhur tritolin në oborrin e shtëpisë. Ngjarja nuk ka shkaktuar dëme materiale.
Deri më tani, motivet e sulmit mbeten të paqarta, pasi Aranit Beqiri ndodhet jashtë vendit dhe nuk ka raporte për konflikte pronësie. Megjithatë, Beqiri është proceduar disa muaj më parë nga policia për ndërtim pa leje, pasi kishte nisur rikonstruksionin e shtëpisë.
