Mëngjesin e sotëm një aksident tragjik ka ndodhur në Roskovec të Fierit.
Bëhet me dije se rreth 09:30, shtetasi I. M., 56 vjeç, banues në Vlosh, duke drejtuar automjetin tip “Autobus”, është përplasur me motomjetin e 80-vjeçarit dhe si pasojë ky i fundit ka humbur jetën. Ndërkohë që unifromat blu njoftojnë se nga pasagjerët në autobus, nuk ka të lënduar. Grupi hetimor po punon për zbardhjen e rrethanave të aksidentit.
“Fier / Informacion paraprak
Sot, rreth orës 09:30, në Kurjan, Roskovec, shtetasi I. M., 56 vjeç, banues në Vlosh, duke drejtuar automjetin tip “Autobus”, është përplasur me motomjetin me drejtues shtetasin I. C., 80 vjeç, banues në Roskovec, i cili ka ndërruar jetë. Nga pasagjerët në autobus, nuk ka të lënduar. Shtetasi I. M. është shoqëruar në Komisariat dhe po kryhen veprimet procedurale. Grupi hetimor po punon për zbardhjen e rrethanave të aksidentit”, thuhet në njoftimin e policisë së shtetit.
Vlen të theksohet se shifrat e aksidente rrugore në vend mbeten sërish të larta ku vetëm në 5 muajt e parë të vitit 2022, 66 persona kanë ndërruar jetë dhe 825 të tjerë janë plagosur. Referuar të dhënave të policisë, 81 prej tyre kanë marrë plagë të rënda në trup dhe 740 persona u dëmtuan më lehtë. Në pjesën më të madhe të ngjarjeve, shkak i aksidentit ka qenë sjellja e drejtuesit të mjetit. Kryesisht, ngjarjet rrugore janë kryer nga grup-mosha 20 deri në 34 vjeç.
