Mësuesit dhe nxënësit në Darëzezë të Fierit, kanë dalë në protestë ditën e sotme.
Ata kanë bojkotuar mësimin, për shkak të kushteve të këqija të transportit.
Rreth 70 nxënës e kryejnë mësimin në Topojë, për shkak se shkolla e tyre është jashtë funksionit.
Prindërit e tyre shprehen se autobusët nuk kanë ngrohje dhe fëmijët e tyre shpeshherë duhet të qëndrojnë në këmbë.
Nga dy autobusë që kanë qenë më parë, tashmë ka mbetur vetëm një.
Prindërit theksojnë gjithashtu se autobusi nuk ka frena të mira, duke rrezikuar jetën e nxënësve.
Për shkak të dëmtimit të shkollës, institucionet arsimore rajonale në Fier, vendosën që derisa të kryehet rikonstruksioni i plotë i godinë, nxënësit e Darëzezës do të zhvendosen në Topojë.
