Ditën e sotme Austria është bërë vendi i parë evropian që ka bërë me detyrim vaksinimin kundër Covid-19.
Ligji i ri hyn në fuqi në Austri këtë javë që e bën të detyrueshëm vaksinimin kundër Covid-19 për këdo mbi 18 vjeç. Disa vende e kanë bërë të detyrueshme vaksinimin për të moshuarit ose personelin mjekësor, por ky është vendi i parë në Evropë që miraton masa të tilla gjithëpërfshirëse.
Të gjithë duhet të jenë të vaksinuar deri më 16 mars 2022. Për ata që nuk duan të vaksinohen do të ketë gjoba që nisin nga 600 euro deri në 3600 euro. Dhe gjoba mund të merret 4 herë në vit.
Qeveria e Austrisë pasi ka marrë vendimin e ka justifikuar duke thënë se vaksinat janë efektive në luftimin e sëmundjeve të rënda dhe se ligji është i nevojshëm për të parandaluar bllokimet e ardhshme.
– Vaksinimi i detyrueshëm fillon nga shkurti
Vaksinimi i detyrueshëm kundër COVID-19 në shtetin alpin do të nisë nga shkurti.
Nga detyrimi do të përjashtohen popullsia nën 18 vjeç, gratë shtatzëna dhe personat me sëmundje.
Në fazën e parë, ministritë përkatëse do të informojnë qytetarët për vaksinimin e detyrueshëm deri më 15 mars.
Nga data 16 mars, policia do të nisë kontrollin e statusit të vaksinimit të njerëzve.
Ata që refuzojnë të marrin vaksinën kundër COVID-19 do të përballen me gjoba ndërmjet 600 dhe 3.600 euro.
Rreth 72 për qind e popullsisë austriake janë vaksinuar plotësisht deri më tani.
Vendi me 9 milionë banorë ka regjistruar mbi 1,5 milion raste të koronavirusit që nga raportimi i rastit të parë në mars 2020. Gati 14.000 njerëz kanë vdekur për shkak të koronavirusit në Austri.
