Atentatet janë duke u kthyer tashmë në përditshmëri dhe ditën e djeshme një tjetër person ka qenë në rrezik për t’u ekzekutuar dhe përsëri ngjarja ka si pikë kryesore, Vlorën.
Pasditen e djeshme është tentuar që të ekzekutohet një 33-vjeçar i identifikuar si Romarjo Aliraj dhe nga sa është mësuar ky i fundit nuk është i panjohur për drejtësinë. Aliraj ka qenë i dënuar më parë për mashtrim dhe trafikim të lëndëve narkotike, ndërsa pas daljes nga burgu ka qenë duke punuar si shpërndarës picash.
Dyshimet e policisë janë të gjitha të përqëndruara tek pista e hakmarrjes ose e prishjes së pazareve të drogës, megjithatë deri në këto momente nuk ka asnjë person të arrestuar.
Aliraj ka qenë duke udhëtuar nga Vlora drejt qytetit të Fierit në momentin që në urën e Mifolit, një makinë që ka qenë pas tij e ka qëlluar me breshëri kallashnikovi, por fatmirësisht ai ka shpëtuar nga plumbat.
Gjithsesi ka marrë dëmtime të lehta dhe kjo për shkak të daljes së makinës nga rruga, por asgjë me rëndësi.
