Prokuroria e Tiranës ka urdhëruar një eksperiment hetimor për vrasjen e Eduart Recit, 52 vjeç, i cili humbi jetën pas një atentati të ndodhur një ditë më parë në Tiranë.
Ky hap është marrë pasi nuk është përcaktuar ende vendi se ku qëndronte autorit i sulmit, as nuk është gjetur gëzhoja e armës që ka përdorur për të qëlluar ndaj Recit. Kjo ka lënë të paqartë edhe llojin e armës dhe distancën nga e cila është bërë krimi.
Ekspertët dyshojnë se mund të jetë përdorur një pushkë sportive, por kjo nuk është konfirmuar ende. Hetuesit po shqyrtojnë disa pista dhe po punojnë për të zbardhur ngjarjen, ndërkohë që përpjekjet janë të fokusuara në identifikimin dhe kapjen e autorëve të mundshëm të këtij krimi.
Prokuroria dhe grupi i hetimit po analizojnë çdo detaj, për të siguruar prova të mjaftueshme që do të mundësojnë zbulimin e të vërtetës.
