Është identifikuar autori i atentatit të ndodhur mbrëmjen e sotme në Shkodër, ku mbetën të plagosur dy vëllezërit Marjan dhe Hot Doçaj. Besim Perkola është autori i ngjarjes, ndërsa policia është duke punuar për kapjen e tij.
Por cila është lidhja e vëllezërve Doçaj me Gentian Doçajn, që është në kërkim si nje nga porositesit e pengmarrjes se Jan Prengës 1 vit më parë në Kamëz? Mësohet se personat në fjalë janë kushurinj, më konkretisht djem xhahxallarësh. Gjithsesi ngjarja e ndodhur nuk ka lidhje me pengmarrjen dhe mund të ketë qenë më shumë një konflikt i çastit.
Gentian Doça jështë në kërkim si një prej urdhëruesve të pengmarrjes së Jan Prengës në janar të vitit 2020.
Në ngjarje kanë qenë të përfshirë edhe Artan Doçaj, vëllai i Gentjan Doçajt si dhe Ardian Doçaj i cili u vetëdorëzua në kufi dhe OFL i sekuestroi edhe pasurinë.
Pengmarrja e Jan Prengës ende nuk është zbardhur, ndërsa nuk është gjetur as trupi i tij. Ngjarja ndodhi pasi vëllai i tij, Anton Prenga kishte bllokuar mbi 100 kg kokainë në Angli, e cila ishte në pronësi të Dritan Rexhepit, shqiptar i burgosur në Ekuador. Dyshohet se ky i fundit ka kërkuar pengmarrjen e Prengës si presion për zhbllokimin e ngarkesës.
