Gazetari Elton Qyno ka treguar mbrëmjen e sotme Ardian Çapja nuk ka besim te Policia dhe se ruhet nga njerëzit e vetë në spitalin e Traumës.
Qyno ka thënë se Çapja ka shpëtuar për një fije pasi plumbi ka qenë shumë pranë zemrës, dhe sipas tij për punë milimetrash pasojat do ishin të parikuperueshme.
Në një intervistë për RepolitiX, gazetari u shpreh ai nuk ka treguar asgjë lidhur me atentatin.
Sipas gazetarit, personat e kanë menduar shumë gjatë këtë atentat, duke filluar që të makina e deri te arma.
Deri tani e vetmja indicie, sipas tij, është momenti kur i ka kapur një kamër që kanë hipur në një makinë tjetër, me kapuç me pistoleta, që tregon se nëse do kishte një kundërsulm nga familja Çapja do vazhdonte beteja me pistoleta.
“Për policinë ka folur. Foli për dy oficerë që e morën në pyetje. Nuk ka treguar asgjë, as se ku e ha meraku në lidhje me atentatin dhe ata që qëndrojnë pas tij. Më kanë konfirmuar se ka shpëtuar për një fije të perit, pasi plumbi ka qenë shumë pranë zemrës së tij. Nëse për punë milimetrash, arma do të ishte ulur më poshtë, pasojat do të ishin të parikuperueshme. Kemi të bëjmë me një ekzekutim të mirëmenduar. Mesa duket e kanë pasur një preventive të plotë, se si duhet të realizohet këtë lloj vrasjeje, duke llogaritur edhe daljen e Çapjas nga shtëpia. Nga mënyra si është kryer dhe dinamika e ngjarjes, nuk besoj se autorët të jenë nga Elbasani, mendoj se organizatorët janë nga Elbasani, por jo ato që e kanë kryer aktin,ato janë paguar. Që i kanë studiuar dhe kanë zgjedhur mëngjesin, ku zona ka qenë në gjumë, po dhe policia bën gjithmonë atë ndërrimin e turneve dhe janë pothuajse “të shkrehur”. Çapja nuk lëvizte lirshëm, se nuk ia lejonte vetes e jo më të tjerëve në spital nuk është vetëm policia, po e ruajnë më shumë njerëzit e tij. Shteti shkoi për t’i garantuar një lloj sigurie, dhe u vunë përpara në 2013 policëve. Ato prej 5 vitesh po përballojnë situata me armë, në një kohë kur pjesa më e madhe e atentateve nuk i kanë zbardhur, kjo familje e ka humbur besimin te policia dhe po mbrohen vetë! Personat e kanë menduar shumë gjatë këtë atentat, duke filluar që të makina, arma. Deri tani e vetmja indicie është momenti kur i ka kapur një kamer që kanë hipur në një makinë tjetër, me kapuç me pistoleta, që tregon se nëse do kishte një kundërsulm nga familja Capja do vazhdonte beteja me pistoleta”, u shpreh gazetari Elton Qyno.
Mëngjesin e djeshëm Elbasani do zgjohej me një ngjarje të rëndë, pasi Ardian Çapja, koka e familjes Çapja dhe pronari i një sërë bizneseve ka rënë pre për herë të tretë e një atentati.
Ai është qëlluar me snajper, por arriti të mbijetonte, duke u plagosur në shpatullë dhe këmbë, teksa menjëherë u transportua drejt Spitalit të Traumës në kryeqytet.
Mësohet se një person i veshur si punonjës në fushën e ndërtimit, me kominoshe që përdorin punonjësit e llaçit, ka zbritur nga një automjet i llojit “Range Rover”, i Policisë dhe ka vrapuar drejt banesës së Çapjave, ku ka qëndruar për më shumë se një orë.
Nga ana tjetër, pas atentatit, mësohet se janë angazhuar të gjithë njerëzit e Çapjave dhe janë vënë në ndjekje të autorëve, ndërsa disa prej tyre bllokuan rrugën kryesore në dalje të Krastës dhe pritën momentin kur me ‘shpejtësi skëterrë’ kaloi mjeti i atentatorëve.
I plagosur ka ngelur edhe një zjarrfikës i cili ka tentuar të shuajë flakët tek makina e djegur e autorëve, por aty është përballur me shpërthimin e disa fishekëve.
Edhe pse plumbi i kaloi pak centimatra pranë zemrës dhe një tjetër e mori në këmbë, Çapja ia doli të mbijetojë por është në rrezik për jetën.
