Një atentat me armë zjarri ka ndodhur në orët e para të mëngjesit të sotëm në aksin rrugor Peqin-Elbasan. Nga ky atentat ka mbetur i pajetë një 24-vjeçar.
Një makinë “Audi” është qëlluar me breshëri kallashnikovi nga dy persona të maskuar, të cilët ishin në një tjetër automjet.
Mësohet se dy vëllezër janë qëlluar me armë zjarri. Sipas informacioneve të para u tha një atentat me armë zjarri ndaj një personi.
Ai ka marrë tre plumba në shpatull, ndërsa në momentin që iu bë atentat ka qenë me të vëllain duke ikur për në shtëpi.
Bëhet e ditur se të plagosur mbetën Klevi Baho dhe Sandër Baho. Por, si pasojë e plagëve të marra Klevi Baho ka ndërruar jetë rrugës për në spital.
E ditur bëhet edhe se viktima sapo kishte dalë nga burgu në Itali. Së fundmi kanë dalë fotot e dy vëllezërve. Ato janë publikuar nga “dosja.al”.
Ata ishin duke udhëtuar në automjetin e tyre tip “Audi” me targa AA 333UZ kur u qëlluan me breshëri automatiku, mbi 35 herë.
Sipas informacioneve të para mësohet se bëhet fjalë për larje hesapesh.
