Burri im dhe vëllai nuk kaqë në në atentat ndaj biznesmenit Andon Dhima, kam dëshmitarë dhe video, tha Gerta Matohiti për mediat. Ajo është motra e Marjo Matohiti dhe gruaja e Grid Lenës që akuzohen në lidhje me tentativën për vrasje të biznesmenit.
“Asgjë nuk është vërtetë se im vëlla ka qenë në lokalin me mua dhe kemi patur një ditëlindje. Vëllai im ka qenë aty dhe më ka ndihmuar mua, se ai është kamerier. Im vëlla nuk është shoqëruar në polici me Grid Lenën se kanë bërë atentat dhe ai ka qenë duke punuar me tabakë në dorë dhe jo me armë. Unë kam publikuar dhe një video në rrjetet sociale.
Aty ka patur dhe 20 veta dëshmitarë dhe këto të gjitha do të paraqiten në gjykatë. Kjo rrëzon komplet të gjitha pretendimet që janë bërë nga policia. Për Grid Lenën kanë thënë që ka qenë i dënuar në Gjermani. Ai ka qenë 17 vjeç në gjermani dhe ka paguar për ata krim .
Pastaj ç’punë kanë këta me këtë biznesmenin. Grid Lena është një baba i përkryet dhe të gjithë e dinë këtë. Unë kam qenë duke gatuar dhe këta tipa kanë ardhur dhe i kanë marrë fëmijën prej dore dhe e kanë gjuajtur me çelësa. Aty e kanë marrë, janë konfliktuar me burrin tim.
Unë kam shkuar në rajon dhe më thonin se do të të arrestojmë bashkë me burrin tënd. Unë dal dhe dëgjoj lajme se burri im dhe vëllai qenkan vrasë me pagesë. Çfarë është kjo?
Vëllai im punon tek unë, unë merrem me restorantin. Bashkëshorti nuk bën asnjë lloj pune se kemi një fëmijë të vogël, ai është në shtëpi, lokal, sport dhe me fëmijën gjatë gjithë kohës.
Asgjë nga policia nuk është e vërtetë. Duke thënë se në media se ata janë proceduar, se janë vrasës, jo ata sot marrin masën e sigurisë. Unë kam kërkuar të flas dhe me televizione dhe nuk më kanë lejuar më kanë thënë jo nuk bëhet. Nuk më kanë lejuar dhe e kam nxjerrë në FB tim personal videon.
Ka një video se ky personi ka kaluar në afërsi. Se njohim fare biznesmenin as Albin Hoxhën, se kuptoj si është bërë lidhja.
I them zotit Dhima, me gjithë qejf edhe mund ta takoj dhe t’i them ç’lidhje ke ti me këto persona. Ata janë të kërcënuar se personat që kanë bërë atentat mund të jenë ende jashtë, sepse këto janë viktima.
Im vëlla me video dhe datë është atje, burri im ka dëshmitarë që ka qenë atje”, tha Gerta Matohiti .
/GazetaReforma.com/
