Ditën e sotme një automjet me tip Benz “mazda”, totalish i shkrumbuar është gjetur gjatë orëve të natës në zonën e Darëzezës në Fier.
Gazetari Ervis Kuçi bën me dije se dyshohet që makina është përdorur për atentatin e ndodhur në Vlorë pak dite më parë. Veprimet janë duke u kryer nga policia e Fierit dhe ajo e Vlorës në bashkëpunim me njëra tjetrën.
Vlorë/Informacion shtesë
Në vijim të informacionit paraprak të dhënë në datën 19.12.2021, për ngjarjen e ndodhur tek lagjja “Pavarësia”, ku mbeti i dëmtuar nga shpërthimi i një lënde eksplozive, shtetasi E. S., ju bëjmë me dije se:
Nga shërbimet policore, në bypassin e qytetit të Fierit, pranë mbikalimit të “Parkut të Apollonisë” është gjetur i djegur një automjet i markës “Mazda”, i cili dyshohet se u përket autorëve të ngjarjes.
Grupi hetimor, nën drejtimin e Prokurorisë, po punon për dokumentimin e plotë të ngjarjes dhe grumbullimin e provave që do të çojnë në identifikimin e autorit/ve të ngjarjes.
Kujtojmë se Indrit Sadedini, 34-vjeçari që mbeti i plagosur rëndë nga një atentat me eksploziv pasditen e së dielës në Vlorë. Sipas policisë, shpërthimi ndodhi në lagjen “10 Korriku” pranë pallatit ku banon 34-vjeçari.
Lënda eksplozive ishte vendosur në trotuar në hyrje të garazhit dhe dyshohet se ishte mbuluar me karton. Shpërthimi i telekomanduar ndodhi menjëherë sapo 34-vjeçari është afruar aty, çka le të dyshohet se autorët kanë ndjekur çdo lëvizje të tij.
Ky është momenti kur ambulanca merr 34-vjeçarin, për ta dërguar në spitalin në Vlorës, e më pas në drejtim të Traumës në kryeqytet. Gjendja e tij raportohet aktualisht e rëndë.
