Një ngjarje e rëndë ndodhi ditën e djeshme në lagjen ‘Bashkimi’ në Vlorë, ku Nikollaq Çepajt dhe Ronald Çepajt iu bë një atentatë me kallashnikov.
Si pasojë ata kanë mbetur të plagosur: Nikollaqi me 5 plumba dhe Ronaldi me 2 plumba.
Ronald Çepaj 27 vjeç dhe Nikollaq Çepaj, 36-vjeç, ishin ulur në një kafe, ndërsa siç mësohet paraprakisht, autori i kishte monitoruar duke i ndjekur me kujdes dhe në momentin që ra errësira u afrua përpara lokalit, uli xhamin e makinës dhe lëshoi breshërinë e kallashnikovit drejt tavolinës.
Nuk dihet ende kush fshihet pas atentatit të dy kunetërve, por në polici janë shoqëruar 10 të dyshuar.
Së fundmi, janë publikuar edhe pamjet nga lokali, ku ndodhi ngjarja.
Siç shihet në muret e lokalit dallohen qartazi shenjat e plumbave.
Ndaj dy të plagosurve janë qëlluar së paku 15 plumba kallashnikovi, kjo vërtetohet edhe nga gëzhojat e gjetura në skenën e ngjarjes nga ekspertiza.
Nikollaqi ndodhet në gjendje kritike për jetën, ndërsa Ronaldi është jashtë rrezikut.
