Ditën e djeshme mbërritën në Shqipëri dozat e para të vaksinës AstraZeneca, ndërsa shumë vende ne kontinent e në botë e kanë pezulluar këtë vaksinë pasi disa prej personave që e morën patën mpiksje të gjakut.
Ndërkohë që ditën e sotme nisi vaksinimi i mësuesve në Tiranë me dozat e kësaj vaksine, mjekja shqiptare në SHBA, Rubina Muzina ka thënë që procesi i vaksinimit me Astrazeneca duhet ndalur të paktën për dy javë derisa të shprehet Agjencia Europiane e Barnave. Në një intervistë në News 24 mjekja ka thënë se jemi në mes të një ushate elektorale shumë të egër, dhe kjo nuk duhet të ndikojë që të nxitohet me vaksina të pasigurta.
“AstraZeneca është një diskutim i madh në Evropë. Agjencia Evropiane e Barnave ka hapur një investigim. AstraZerneca nuk ka aplikuar në Amerikë për të qenë prezent. AstraZerneca filloi me vështirësi. Është një vaksinë e mirë, por do të thoja fare hapur komitetit shqiptar, që vaksina duhet të qëndrojë pezull deri në dy javë. Unë e di që qeveria kujdeset për qytetarët e vend, AstraZeneca ka dhënë pak rezultat të Evropë. Ata po investigojnë në pjesën e sigurisë. Për ta vazhduar apo jo, do të thoja që Agjencia e Evropiane e Barnave duhet t’i japim 2 javë kohë, sepse ata kanë aprovuar këtë vaksinë dhe ata do e shohin më me kujdes për sigurinë e saj. AstraZeneca do të jetë në të gjithë vendin. Ne themi këtu kur një shtet e ndalon, ose e heq, por ka të dhëna Danimarka, kanë të shkëlqyer laboratorët. Nuk ka gjë për të frikësuar, por dua të shohim raportin e Agjencisë Evropiane të Barnave. Janë dy gjëra që dua të tërheq vëmendje, nëse gjithçka ndodh. Jemi në mes të një fushate elektorale shumë të egër. Ne duam sa më shumë vaksina, por duhet të presim dy javë.”, tha Muzina.
