Ditën e sotme, ambasadorja e SHBA-së Yuri Kim është takuar me kreun e SPAK Arben Kraja. Pas takimit, ambasadorja Kim është shprehur me anë tënjë postimi në “Tëitter”, se do do të vazhdojë të mbështesë fuqimisht reformën në drejtësi – përfshirë punën e SPAK- për t’i dhënë fund pandëshkueshmërisë, për të mbajtur përgjegjës zyrtarët e korruptuar dhe krimin e organizuar.
“U takova sot me shefin e SPAK Arben Kraja për të përgëzuar prokurorët dhe hetuesit që kanë prodhuar më shumë dhe më shumë rezultate reale në emër të publikut shqiptar. Rekordet në rritje të hetimeve, ndjekjeve penale, konfiskimeve të pasurive etj., tregojnë se askush nuk është mbi ligjin.
SHBA do të vazhdojë të mbështesë fuqimisht reformën në drejtësi – përfshirë punën e SPAK – për t’i dhënë fund pandëshkueshmërisë, për të mbajtur përgjegjës zyrtarët e korruptuar dhe krimin e organizuar, për të forcuar sundimin e ligjit në 🇦🇱. Kjo është e nevojshme për të përmbushur kërkesat e BE-së, gjithashtu për t’iu përgjigjur kërkesave të të gjithë njerëzve për drejtësi”, shkruan ajo.
Kujtojmë që takimi vjen pas një “aksioni” që SPAK ka bërë duke çuar në burg disa zyrtërë të rëndësishëm të politikës, si ish-ministri I Brendshëm Simir Tahiri, ish-ministrin e Mjedisit Lefter Kokën si dhe së fundmi ish-deputetin e Partisë Socialiste Allqi Bllakon, që akuzohet për afera të mëdha korruptive me inceneratorët.
