Seanca plenare e ditës së sotme ka vijuar mes zhurmave dhe kaosit të shkaktuara ngaopozita. Që në nisje të seancës, deputetët e opozitës qëndruan në ‘gardh’ para foltores, teksa Lindita Nikolla vijoi me axhendën e kësaj seance.
Deputeti Salianji mbante në dorë një flakadan, ndërsa deputetë të tjerë mbajnë në dorë panakarta.
Deputetja Albana Vokshi ka tentuar t’i japë kryeministrit Edi Rama pankartën, ku lexonte “vrasës i demokracisë”, por nuk është lejuar nga garda.
Pas këtyre ngjarjeve, kryeparlamentarja Nikolla ka mbyllur seancën për të shmangur çdo konflikt të mundshëm. Seanca e sotme zgjati thuajse 11 minuta.
Opozita e ka bërë të qartë që nëse kërkesat e tyre nuk plotësohen, protesta e tyre do të vijojë. Mbetet për të parë nëse do përdoren sërish flakadanë, ku me rregulloren e re dënimi është 60 ditë përjashtim nga Kuvendi.
