Izraeli dhe Hamasi do të hyjnë në një armëpushim “të ndërsjellë dhe të njëkohshëm” të Gazës në 2 të mëngjesit të premten, tha një zyrtar i Hamasit për Reuters. Kabineti i sigurisë i Izraelit është takuar mes raporteve se qeveria po konsideronte të ndalonte bombardimet e saj në Gaza, pasi presioni ndërkombëtar për t’i dhënë fund gjakderdhjes u shtua.
Transmetuesi publik i vendit, Kan, raportoi se kabineti, i kryesuar nga kryeministri, Benjamin Netanyahu, do të votojë mbi një armëpushim të propozuar për të hyrë në fuqi brenda 24 orësh. Zyrtarët izraelitë nuk e konfirmuan menjëherë raportin.
Të paktën 232 palestinezë, duke përfshirë 65 fëmijë, janë vrarë në 11 ditë dhune dhe tensioni mes Hamasit dhe Izraelit. Nga pala izraelite, 12 persona, përfshirë dy fëmijë, janë vrarë.
Deklarata:
Kabineti i Sigurisë u mblodh sonte.
Kabineti i Sigurimit Politik unanimisht pranoi rekomandimin e të gjithë zyrtarëve të sigurimit, shefit të shtabit, shefit të Shin Bet [agjencisë së brendshme të sigurisë], shefit të Mossad [inteligjencës së huaj] dhe shefit të Këshillit të Sigurimit Kombëtar, për të pranuar nismën egjiptiane për një armëpushim dypalësh të pakushtëzuar, i cili do të hyjë në fuqi në një datë të mëvonshme.
Shefi i shtabit, skuadra ushtarake dhe shefi i GSS shqyrtuan para ministrave arritjet e mëdha të Izraelit në fushatë, disa prej të cilave ishin të pashembullta. Niveli politik thekson se realiteti në terren do të përcaktojë vazhdimin e fushatës.
