Drejtoria Vendore e Policisë së Beratit ditën e sotme ka arrestuar vëllain e kryetarit te bashkisë Poliçan, Artur Zotkaj 55 vjeç. Gjykata e Beratit, me vendimin e datës 13.03.2017, e ka dënuar këtë shtetas, me 1 vit e 4 muaj burgim, për veprën penale “Prodhimi dhe shitja e narkotikëve”, pasi në muajin shtator 2015, gjatë operacionit “Pronoviku”, në banesën e këtij shtetasi janë gjetur dhe sekuestruar 9 kilogramë cannabis sativa. Edhe pse Zotkaj e apeloi vendimin, përsëri gjykata e Apelit mbajti në fuqi vendimin e shkallës së parë. Por Artur Zotkaj kishte rreth 3 muaj që ishte e arratisur deri ditën e sotme kur u kap nga Policia e Beratit. Ndërkohë materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
Me 10 milionë lekë kapital, Donald Veshaj kërkon nga Rama leje për kullë 33 kate në Vlorë
Personazhet e showbiz-it shqiptar po e kthejnë në "modë" të shndërrohen gjithnjë e më shumë në ndërtues, investitorë dhe zhvillues...
