Personi që kishte vjedhur më 17 prill të këtij viti makinën tip “Range Rover Sport” në Durrës që dyshohet se u përdor nga autorët e atentatit në Dobraç të Shkodrës raportohet se është arrestuar.
Arrestimi i tij është mbajtur i fshehtë nga grupi hetimor, me shpresën se mund të ndihmojë në zbardhjen e ngjarjes.
Ky person është marrë disa herë në pyetje për të dhënë informacione lidhur me atentatin, por ka refuzuar të bëjë ndonjë deklaratë.
Dëshmia e tij është e konsideruar si kyçe nga policia e Shkodrës dhe prokurorët e SPAK, të cilët po hetojnë rastin.
Atentati ka ndodhur më 30 tetor 2023, pasditen, në Dobraç të Shkodrës, në rrugën kryesore që lidh qytetin me Malësinë e Madhe.
Një automjet i ka prerë rrugën një “Mercedes”-i dhe ka hapur zjarr me kallashnikov, duke lënë të vdekur tre viktima: Hamza Lici, i cili u vra në vend, Arlind Bushati, i cili ndërroi jetë më vonë në spital, dhe Flutura Basha, e cila ishte një kalimtare e rastit, duke udhëtuar me bashkëshortin e saj në një motor.
Bashkëshorti i saj, Bashkim Basha, ndërroi jetë pesë ditë më vonë në spital.
Ndërkohë, ende nuk ka asnjë person të arrestuar lidhur me këtë atentat, pavarësisht se ka pasur shoqërime të shumta dhe marrje në pyetje nga policia.
