Në Bologna të Italisë, një i mitur shqiptar u arrestua nga policia italiane, nën akuzën e grabitjes.
Ka qenë telefonata e një qytetari që alarmoi karabinierët se në zonën e Tiarinit, një person kërcënonte me thikë kalimtarët në stacionin e autobusit. I dyshuari më tej kishte hipur në një prej mjeteve të transportit dhe karabinierët e ndaluan në “Viale Pietramellara”. Pasi ndaluan autobusin, ata ushtruan kontroll fizik dhe i gjetën të riut një çelës të madh të zi prej çeliku brenda pantallonave, të bllokuar nga llastiku i të brendshmeve. Më pas djaloshi rezultoi se nuk ishte ende 18 vjeç, i pritur në një komunitet për të mitur dhe i dënuar më parë për veprën penale të mbajtjes së armëve ose sendeve të tjera prerëse apo të forta. Gjithashtu i mituri akuzohet edhe për sulm fizik dhe kundërshtim të zyrtarit publik dhe për këtë shkak ndaj tij u mor masa e ndalimit dhe izolimit në një institucion për të miturit.
