Bie sërish në pranga një zyrtar i lartë i policisë në vend. Së fundmi është arrestuar në Korçë kryekomisarit me detyrë Shefi i Sektorit te Sherbimeve te Kufirit ne Drejtorine Vendore te Kufirit dhe Migracionit. Stilian Pasho dyshohet se është i përfshirë në trafikun e drogës.
Lajmin e bën me dije ministri i Brendshëm, Taulant Balla, i cili përmes një statusi në rrjetet sociale ka njoftuar se arrestimi i zyrtarit të policisë është bërë nga Agjencia e Mbikqyrjes Policore.
Balla shprehet se AMP dhe bashkëpunimi me agjencive e tjera ligjzbatuese si SHISH, Prokuroria e Përgjithshme dhe SPAK do ta intensifikojnë procesin e vetë-pastrimit të Policisë së Shtetit.
“Sapo është ndaluar nga Agjencia e Mbikqyrjes Policore një Kryekomisar, me detyrë Shefi i Sektorit te Sherbimeve te Kufirit ne Drejtorine Vendore te Kufirit dhe Migracionit Korçë, i dyshuar për pëfshirje në “Trafikim të narkotikëve”, shprehet ministri i Brendshëm.
