Dy aktivistë të Partisë Socialdemokrate (PSD) arritën që të hynin brenda në konferencë dhe të pengonin konferencën për media që po mbante kryetarja e Gjykatës Speciale, Ekatarina Trandafilova. Disa aktivistë të tjerë vendosën mbishkrime me terma “Non Grata” nën veturën e EULEX, gjë për të cilën ata u arrestuan nga Autoritetet e Policisë së Kosovës. Sipas informacioneve të marra bëhet me dije se në mesin e të arrestuarve është dhe bashkëshorti i ish-ministres Besa Shahini, Dardan Molliqaj, kështu njoftoi Natyra Kuçi nga PSD. Kuçi tha se dy aktivistët edhe pse me kontrolle të shumta ata kishin arritur të hynin brenda në konferencë dhe të bëheshin pengesë.
Mediat e Kosovës kanë publikuar video nga momenti kur arrestohet Dardan Molliqaj me aktivistë të tjerë të PSD. Ata kishin organizuar sot një protestë e cila shkoi deri në ndalimin e fjalimit të zëdhënëses së Gjykatës Speciale, Trendafilova. Hera e tretë që Molliqaj arrestohet brenda këtij viti ndërsa në vitet paraardhëse nuk kanë munguar këto episode të ngjashme. Dardan Mollqaj është kryetar i PSD dhe është i martuar me Besa Shahinin, sh-ministren e Arsimit në Shqipëri për vitet 2019-2020. Në pamjet e siguruara nga mediat e Kosovës, duket Molliqaj i gjakosur në kokë dhe i shtrirë teksa polici i ka vendosur gjurin në pjesën e kokës.
