Tetë shqiptarë të akuzuar për grabitje përfunduan në prangat e karabinierëve italianë, pas operacionit të nisur më 13 janar.
Hetimet ndaj grupit shqiptar nisi në gusht të 2017-s, pas alarmeve të shumta për grabitje të lokaleve dhe banesave në territorin e Casera-s dhe në krahinat e afërta të Benevento-s, Latina, Salerno dhe Frosinone-s.
Deri më tani është zbuluar autorësia e 8 vjedhjeve, në 6 prej të cilave kanë pasur shënjestër banesat.
Skema e përdorur nga grabitësit ishte thuajse gjithnjë e njëjtë. Grupi kryente inspektime në zonat ku do të godiste dhe më vonë riktheheshin për të realizuar grabitjen.
Gjithashtu mësohet se, grupi përdorte një gjuhë me kode, ndërsa për të transportuar sendet e vjedhura përdornin furgona apo mjete me targa të ndryshme.
Të gjithë shqiptarët janë dërguar në qelitë e paraburgimit, ndërsa është vlerësuar si i ligjshëm masa e arrestit.
