Policia ka arrestuar katër të rinj gjatë ditës së sotme në Devoll.
Një ngjarje e rëndë aq sa e pazakontë ka ndodhur në Devoll, ku 4 persona kanë dhunuar dy sirianë që gjendeshin në fshatin Vërnik, dhe i kanë grabitur të gjithë paratë që kishin, rreth 200 euro, si dhe 2 telefona.
Nga burimet e policisë, dy sirianët kishin kaluar kufirin ilegalisht, dhe do të mundoheshin t’i drejtoheshin vendeve të BE-së.
Njoftimi:
Falë reagimit të shpejtë të Policisë, arrestohen në flagrancë 4 shtetas të cilët vodhën me dhunë 200 Euro dhe 2 celularë, dy shtetasve të huaj.
Specialistët e Seksionit për Krimet, në Komisariatin e Policisë Devoll bënë arrestimin në flagrancë të shtetasve:
D.A, 19 vjeç
S.P, 17 vjeç
K.A, 22 vjeç
R.Sh, 21 vjeç, banues në Bilisht dhe në fshatin Pilur, Devoll.
Këta shtetas në bashkëpunim mes tyre, në afërsi të qytetit të Bilishtit, dyshohet se kanë vjedhur me dhunë 200 Euro dhe 2 aparatë celularë dy shtetasve të huaj.
Ndërhyrja e Policisë bëri të mundur kapjen e arrestimin në flagrancë si edhe vendosjen përpara përgjegjësisë ligjore të tyre. Materialet u referuan Prokurorisë pranë Gjykatës së Shkallës së Parë Korçë për veprime të mëtejshme.
