Garda Civile në Spanjë ka zbuluar një grup kriminal të specializuar në grabitje banesash, duke arrestuar tre shtetas shqiptarë, të moshave 25, 32 dhe 50 vjeç, të cilët janë përfshirë në 27 grabitje me forcë në disa qytete të provincës A Coruña.
Hetimi ka zbuluar se grupi kryente grabitjet kryesisht në shtëpi afër qendrave të mëdha urbane, duke përfituar nga mungesa e pronarëve dhe planifikimin e veprimeve të fshehura. Ata hynin në banesa përmes dritareve dhe ballkoneve të pasme, duke vjedhur sende me vlerë.
Operacioni i koordinuar ka çuar në sekuestrimin e bizhuterive dhe orëve të vjedhura, të cilat janë kthyer te pronarët. Të arrestuarit janë dërguar në burg pas urdhrit të gjykatës.
