Policia e Kosovës ka zhvilluar dje një aksion nga i cili kanë përfunduar 23 persona në pranga, mes tyre 16 zyrtarë të Ministrisë së Infrastrukturës, 1 menaxher, 3 mjekë dhe 1 psikolog, 2 personat me inicialet A.T dhe P.T., nga një autoshkollë në Fushë Kosovë.
Prokuroria Themelore në Prishtinë është shprehur se gjatë aksionit të djeshëm me urdhër të Prokurorit të Shtetit, janë arrestuar 23 persona të dyshuar se kanë kryer veprat penale: “Keqpërdorim i pozitës apo autoritetit zyrtar” dhe “Marrja e ryshfetit”.
Njoftimi i Prokurorisë në Prishtinë:
Prokuroria njofton se nga 23 personat e arrestuar ,pesë (5) prej tyre me inicialet B.J., A.K., L.B., H.J. dhe Sh.S., janë një (1) menaxher, tre (3) mjek dhe një (1) psikolog i një ordinance, si dhe janë arrestuar dy personat me inicialet A.T dhe P.T., nga një auto shkollë në Fushë Kosovë.
