Teksa bizensmeni Ardian Nikulaj u ekzekutua për shkak të gjakmarrjes mes fiseve Nikulaj dhe Lestakaj, pajtuesi i gjaqeve nga Lezha, Pjeëtr Gjoka tregon më shumë në lidhje me këtë hasmëri ndër vite. Ai shprehet se kjo hasmëri mes fiseve ishte e njohur, madje fisi Lestakaj ka braktisur vilat në Shqipëri dhe janë larguar të gjithë drejt Anglisë, aty ku mesa duket kanë “rekrutuar” edhe punonjësit për të vënë në jetë planin e hakmarrjes. Pajtuesi i gjaqeve deklaron se e kishte takuar Ardian Nikulajn, madje ky i fundit kishte kërkuar edhe pajtim, por që refuzonte pala tjetër.
“Ne e njihnim këtë rast, janë një seri vrasjesh, jo të deklaruara tamam, në 97-ën e më pas. Bilanci mbetet një problem i pasqaruar nga ana jonë. Fisi Lestakaj ka lënë vilat këtu në Shqipëri bosh dhe janë larguar të gjithë aty në Angli, ku jetojnë e punojnë. Si duket kjo ka ndikuar për të organizuar gjakmarrjen e tyre. Pas viteve 2000 jam njoh me Ardian Nikulajn, i cili ka qenë i njohur si politikan lokal dhe i sukseshëm në fushën e biznesit dhe që ndihmonte komunitetin. Nuk ka se si të bëhet pajtim pasi munguar pala e dëmtuar, pala e Lestakajve. Pa qenë dy palët nuk mund të bëhet asnjë tentativë. Nikulajt e pranonin pajtimin, unë e kam diskutuar me të ndjerin. Por kur mungon njëra palë nuk mund të bëhet pajtimi. Zgjidhjen e shoh të vështirë megjithatë le të shpresojmë”, tha ai.
