Ardi Veliu, ish-drejtori i përgjithshëm i Policisë së Shtetit, është emëruar në drejtimin e Prodhimit dhe Tregtisë Shtetërore të Armëve.
Veliu do të jetë administrator i kompanisë shtetërore “KAYO.
Kompania e themeluar në shtator të këtij viti do të jetë përgjegjëse për prodhimin, demilitarizimin dhe tregtimin e armëve, të municioneve, pajisjeve dhe teknologjive ushtarake.
Bazuar në ligjin e botuar në Fletoren Zyrtare në muajin gusht, përgjatë zhvillimit të veprimtarisë së saj, Shoqëria do të ndjekë gjithashtu interesa ekonomikë dhe tregtarë që lidhen me industrinë ushtarake.
Sipas qeverisë, kjo industri mund të kthehet në fitimprurëse për ekonominë shqiptare, ndërsa ka një kërkesë të madhe globale për armë dhe municione.
