Deputeti i Partisë Demokratike, Edi Paloka e akuzoi zv/Kryeministrin Arben Ahmetaj se vjen në kuvend me makinë 250 mijë dollarë, Bentley.
“Ky shkon tek Nusreti në Dubai (1 mijë dollare bifteku) “për të ngrënë një çap buke” dhe vjen me Bentley (250 mijë dollarë) në Parlament e pastaj flet për varferinë e shqiptarëve…! Rama nderkohë po bën gati dy muaj që shëtit me charter nëpër botë ! E ne kerkojmë që këtyre vetingun t’ju bej SPAK-u i Ramës.
Rama , ky dhe ata si ky , vërtetë që nuk e kanë ndërmend të ikin as nga Shqipëria e as nga qeveria po nuk i shporrëm ne! Po këta nuk shporren as me grisje letrash , as me recitime , as me beteja boshe në Parlament . Me këtë situatë , ata janë me komodë se kurrë. Prandaj vazhdojnë e tallen me shqiptarët !” shkruante Paloka.
Mirëpo Ahmetaj është prekur shumë nga akuza dhe nuk e la me kaq, ai ka publikuar menjëherë foto të makinës së tij, e cila nuk rezultoi te ishte një Bentley siç pretendonte Paloka por ishte një Hundai Genesis, i cili kushton vetëm 28 mijë dollarë!
“Kush e gjen dot ndryshimin mes një Hyundai Genesis 28 mijë dollarë dhe një Bentley 270 mijë euro? Ta kuptojnë zemrat e zjarrta që dhe njëherë tjetër shpërndanë një lajm qorr e thuthuq”, shkruan Ahmetaj.
Siç shihet në pamje dy makinat janë tepër të ngjashme për sa i përket logos.
